23 апр 11:09
Новости

Фабио Каннаваро – "Удинезе" бош мураббийи!

Италиянинг "Удинезе" клуби раҳбарияти жамоанинг янги бош мураббийи номини эълон қилди.

Италия терма жамоаси ҳамда "Реал" клуби собиқ ҳимоячиси Фабио Каннаваро "Удинезе" бош мураббийига айланди. Томонлар 2024 йилнинг 30 июнь кунигача шартнома имзолашди. У истеъфога чиқарилган Габриэле Чиоффини ўрнида иш бошлади.

Маълумот учун, "Удинезе" А Серияда 32 ўйиндан кейин 28 очко билан 17-ўринда бормоқда. Каннаваро 2023 йилда "Беневенто" клубидан истеъфога чиқарилганди.