01 янв 07:22
Новости

Дзюдо

Фарғона ва Хоразмда йил якунлари сарҳисоб қилинди + ФОТО

Ўзбекистон дзюдо федерациясининг Хоразм ва Фарғона вилояти бўлимлари томонидан якунига етган 2022 йилги дзюдо мавсуми сарҳисоб қилинди.

Жумладан, Фарғонада ўтган тантанали тақдирлаш маросимида Россиянинг Владивосток шаҳрида ўтказилган "Осиё болалари" ("Дети Азии") мусобақасининг дзюдо баҳсларида олтин медални қўлга киритган Абдулазизхон Шарофитдинов ҳамда унинг мураббийи Муҳаммадюсуф Ҳайдаров тақдирланганлар қаторида эътироф этилди.

Осиё ва жаҳон чемпионати совриндорларига вилоят ҳокими томонидан пул мукофотлари топширилди. Спортчиларга 5, мураббийларга эса 3 миллион сўм миқдорида пул мукофоти тақдим этилди.

Хоразмда ҳам вилоятнинг фахрли спортчилари, тренерлар ҳамда спорт дарғалари муносиб тақдирландилар. Терма жамоамизнинг етакчилари Алишер Юсупов ва Гулноза Матниязова вилоятнинг энг яхшилари қаторида эътироф этилди.