04 сен 07:31
Новости

Шахматы

FIDE рапид ва блиц бўйича жаҳон чемпионати қачон ва қаерда ўтказилишини эълон қилди

Шахматнинг рапид ва блиц йўналишлари бўйича навбатдаги FIDE Жаҳон чемпионати шу йилнинг 26-31 декабрь кунлари АҚШнинг Нью-Йорк шаҳрида ўтказилади.

Бу ҳақда федерация ахборот хизмати хабар бермоқда. Турнир доирасида 26-28 декабрь кунлари рапид, 30-31 декабрь кунлари эса блиц беллашувлари ташкил этилади.

Эслатиб ўтамиз, рапид ва блиц бўйича сўнгги жаҳон чемпионати 2023 йилнинг декабрь ойида Самарқанд шаҳрида ўтказилган эди. Эркаклар ўртасидаги ҳар икки дастурда норвегиялик Магнус Карлсен ғалаба қозонган бўлса, аёллар ўртасидаги баҳсларда россияликлар — Анастасия Боднарук (рапид) ва Валентина Гунина (блиц) жаҳон чемпионига айланганди.