12 апр 12:48
Новости

ФИФА президенти ЖЧ-2030 нима сабабдан олтита мамлакатда бўлаётганини тушунтириб берди

ФИФА президенти Жанни Инфантино ЖЧ-2030 бутун дунёни бирлаштиришига ишонмоқда.

"ЖЧ-2030 ўзгача, мукаммал турнир бўлади. Ушбу чемпион ЖЧ мусобақаларининг 100 йиллигига бағишланади. 2030 йили бўлиб ўтадиган мундиал дунёни ҳар томонлама бирлаштиришга сабабчи бўлади.

Биз 2030 йил ҳақида гапира бошлаганимизда, менга ўзгача бир нарса ўйлаб топишимиз кераклиги аён бўлди. Чунки одамлар ушбу ЖЧни бир умр эслаб юришлари керак", — деди ФИФА президенти.

Эслатиб ўтамиз, ЖЧ-2030нинг асосий мезбонлари Марокаш, Испания ва Португалия ҳисобланади. Шунингдек, яна учта учрашув Лотин Америка мамлакатлари ҳудудида бўлиб ўтади.