07 окт 08:30
Новости

ФИФА президенти Ўзбекистон терма жамоаси бош мураббийини табриклади

ФИФА президенти Жанни Инфантино бугун Ўзбекистон терма жамоаси бош мураббийи сифатида таништирилган Фабио Каннаварони табриклади.

"Азиз Фабио Каннаваро, 2026 йилги ФИФА жаҳон чемпионатига хуш келибсиз! 2006 йилда сардор сифатида Италия билан чемпион бўлганингиздан йигирма йил ўтиб, жаҳон чемпионатида янги рольда – Ўзбекистон терма жамоаси бош мураббийи сифатида иштирок этасиз" - дея табриклади Инфантио Инстаграм саҳифасида.

Эслатиб ўтамиз, Фабио Каннаваро 2006 йил футболчи сифатида Италия терма жамоаси билан жаҳон чемпионига айланган эди.