17 мар 13:39
Новости

Флик супер камбэкдан сўнг нималар деди?

"Барселона" бош мураббийи Ханс-Дитер Флик "Атлетико"га қарши учрашувдан сўнг ўз фикрларини билдирди.

"Биринчи бўлимда яхши ўйнадик, аммо иккита гол ўтказиб юбордик. Шунга қарамай, яхши ўйин кўрсатишда давом этдик. Биз охиргача курашдик ва кўплаб хавфли вазиятлар яратдик. Жамоа ва мухлислар учун жуда хурсандман.

Ферран ажойиб футболчи. Бугун захирадан тушган барча футболчилар ўз ишларини аъло даражада бажаришди. Ҳар бир футболчи машғулотларда максимал ҳаракат қиляпти. Бу биз учун жуда муҳим", — деди Флик.

Эслатиб ўтамиз, "Барселона" Ла Лиганинг 28-турида Мадридда "Атлетико"га қарши кечган учрашувда 0:2 ҳисобини якунда 4:2 га ўзгартира олди.