12 апр 07:43
Новости
Теннис
Фомин Анталиядаги учинчи турниридаги иштирокини 1/2 финал остонасида тўхтатди
Ўзбекистоннинг иккинчи рақамли теннисчи Сергей Фомин Туркиянинг Анталия шаҳрида ўтказилаётган М25 тоифасига кирувчи ITF теннис турнирида иштирок этаётганди.
Ҳамюртимиз мусобақанинг чорак финалида турнирнинг иккинчи ракеткаси, Хорватия вакили Лука Микрутга қарши кортга чиқди.
Бир соату 32 дақиқа давом этган баҳсда дунё рейтингида 317-ўринни эгаллаб турган Микрут 6/4, 6/3 ҳисобида ғалаба қозонди. Бу Фомин учун Анталиядаги кетма-кет учинчи турнир бўлди. У аввалига чемпион бўлди, 7 апрель куни якунига етган мусобақада эса вице-чемпионга айланганди.
Маълумот ўрнида, Сергей Фомин айни дамда ATP рейтингида 499-ўринни эгаллаб турибди.
Ссылка :
Источник : olamsport.com
Комментарии