22 июн 12:41
Новости

Теннис

Фомин рейтингда ўзидан 1031 поғона қуйидаги теннисчига ютқазди

Германиянинг Саарлуис шаҳрида теннис бўйича М15 тоифасига кирувчи турнир бўлиб ўтмоқда.

Мукофот жамғармаси 15 000 АҚШ долларини ташкил этувчи мусобақада ҳамюртимиз Сергей Фомин ҳам ўз имкониятини синовдан ўтказаётганди. Афсуски, мамлакатимизнинг иккинчи ракеткаси турнирнинг 1/4 финалида ўз иштирокини аламли тарзда тўхтатди.

Дунёнинг 634-ракеткаси бўлиб турган Фомин ATP рейтингида 1665-поғонада бораётган германиялик Мика Липпга 2/6, 4/6 ҳисобида имкониятни бой бериб қўйди. Учрашув 90 дақиқа давом этган. Фомин турнирда 8-рақам остида таснифланган эди.