02 сен 08:25
Новости

Теннис

Фомин Shanghai Challenger турнири саралашида иккита ўйин ўтказди

Хитойнинг Шанхай шаҳрида теннис бўйича ATP 100 тоифасига кирувчи "Челленжер" турнирининг саралаш баҳслари давом этмоқда.

Мукофот жамғармаси 160 000 АҚШ долларини ташкил этувчи ушбу нуфузли мусобақада ҳамюртимиз Сергей Фомин ҳам ўз имкониятини синаб кўрди.

Мамлакатимизнинг иккинчи ракеткаси саралашда 10-рақам остида таснифланган бўлиб, илк даврада хитойлик 19 ёшли Чжан Тяньхуэйни 6/2, 6/0 ҳисобида доғда қолдирди. Иккинчи босқичда эса афсуски, Хитой Тайпейи теннисчиси Хуан Цун-Хаога ютқазиб қўйди - 3/6, 2/6.

Таққослаш учун, Сергей Фомин ATP рейтингида 483, Чжан Тяньхуэй 570, Хуан Цун-Хао эса 550-ўринни эгаллаб турибди.