29 окт 09:36
Новости

Теннис

Фомин Хитойдаги турнирда муваффақиятли старт олди, навбат Султоновга!

Хитойнинг Цяньдаоху шаҳрида теннис бўйича ITF M25 тоифасига кирувчи турнир бўлиб ўтмоқда.

Унда мамлакатимизнинг биринчи ҳамда иккинчи ракеткалари Ҳумоюн Султонов ва Сергей Фомин ҳам иштирок этяпти. Бироз аввал турнирда тўртинчи рақам остида таснифланган Фомин 75 дақиқа давом этган илк давра учрашувида хитойлик Женг Донгни 6/2, 6/4 ҳисобида мағлубиятга учратди.

Таққослаш учун, Сергей ATP рейтингида 462, Донг эса 1383-ўринни эгаллаб турибди. Бу теннисчиларнинг ўзаро ўтказган илк учрашуви бўлди. Бироздан сўнг турнирнинг иккинчи ракеткаси бўлган Ҳумоюн Султонов 1/16 финалда қозоғистонлик Григорий Ломакинга қарши кортга чиқади.