03 апр 09:22
Новости

Теннис

Фоминнинг Анталиядаги юриши бошланди, у 6-ракеткани мағлуб этди

Туркиянинг Анталия шаҳрида теннис бўйича М25 тоифасига кирувчи турнир бўлиб ўтмоқда.

Ушбу мусобақада ҳамюртимиз Сергей Фомин ҳам ўз имкониятини синовдан ўтказяпти. Мамлакатимизнинг иккинчи ракеткаси 76 дақиқа давом этган илк давра баҳсида турнирда олтинчи рақам остида таснифланган германиялик Том Генчни ортиқча қийинчиликсиз мағлубиятга учратди - 6/3, 6/0.

Таққослаш учун, Фомин ATP рейтингида 555, Генч 457-поғонадан жой олган. Бугун Сергей 1/8 финалда франциялик Шон Кюненга қарши кортга чиқади. Рейтингнинг 1006-поғонасидан жой олган фаранг теннисчиси 1/6 финалда ўзидан деярли 500 ўрин юқорида бораётган руминиялик Стефан Палосидан 7/6(6), 7/6(0) ҳисобида устун келди.