07 окт 11:04
Новости

Другие

ФОТО. Чирчиқда "Беш ташаббус олимпиадаси" беллашувлари авж палласида

Айни пайтда барча ҳудудларда "беш ташаббус олимпиадаси" нинг иккинчи мавсуми доирасида беллашувлар ўтказилмоқда. Хусусан, 4-6 октябрь кунлари Чирчиқ шаҳрида ҳам "беш ташаббус олимпиадаси" дастуридаги волейбол, енгил атлетика ҳамда стиртбол бўйича маҳаллалараро беллашувлар бўлиб ўтди.

Ушбу беллашувлар Ёшлар ишлари агентлиги Чирчиқ шаҳар бўлими, Чирчиқ шаҳар спорт мактаби ва бошқа масъул ташкилотлар ҳамкорлигида ўтказилмоқда.

4 октябрь куни волейбол бўйича 4 та сектор ҳудудида маҳаллалар ўртасида мусобақалар ташкил этилиб, биринчи ўринларни банд этган жамоалар кейинги босқич масаласини ҳал этишди.

Шунингдек, 5 октябрь куни шаҳардаги умумий ўрта таълим мактабларида енгил атлетика баҳслари қизғин тарзда ўтказилди ва маррага биринчи бўлиб етиб келган иштирокчилар шаҳар босқичига йўлланмани қўлга киритишди. "Беш ташаббус олимпиадаси" дастуридан ўрин олган стритбол беллашувлари режага мувофиқ 6 октябрь куни ўтказилди. Чирчиқ шаҳрининг тўртта ҳудудида бўлиб ўтган ўғил болалар ва қизлар ўртасидаги стиртбол мусобақалари ҳам қизғин баҳсларга бой тарзда ўтказилди. Тўртта ёш тоифасида бўлиб ўтган мазкур стиртбол мусобақаларида ҳам регламентга кўра, биринчи ўринни эгаллаган жамоалар шаҳар босқичида иштирок этиш ҳуқуқига эга бўлишди.

"Беш ташаббус олимпиадаси" доирасидаги беллашувлар давом этади.

Илҳом РАҲМОНОВ тайёрлади