27 авг 12:36
Новости

Гандбол

ФОТО Эгизак ҳакамларимиз жаҳон чемпионатининг 6 та ўйинини бошқаришди, навбат клублар ўртасидаги ЖЧга!

Хабар берганимиздек, Хитойда бўлиб ўтган U-18 қизлар ўртасидаги 10-Жаҳон чемпионатида 25 ёшли халқаро тоифадаги ҳакамларимиз — Ҳасан ва Ҳусан Исмоиловлар фаолият юритишди.

Улар мундиалнинг 6 та учрашувини бошқариб, ўзбек гандболи, қолаверса, мутахассисларининг савиясини намойиш этишди.

Рефериларимиз қуйидаги учрашувларда ишлашди:

Гуруҳ босқичи. Нидерландия – Жанубий Корея - 24:19.

Гуруҳ босқичи. Миср – Руминия - 24:36.

Асосий босқич. Хитой – Норвегия - 24:27.

23-ўрин учун. Нигерия – Косово - 18:21.

17-20 ўринлар учун (ярим финал). Австрия – Аргентина - 23:25.

7-ўрин учун. Хорватия – Япония - 30:29.

Эндиликда ака-ука Ҳасан ва Ҳусан Исмоиловлар 27 сентябрь - 3 октябрь кунлари Мисрнинг Қоҳира шаҳрида бўлиб ўтадиган XVII эркаклар клублари ўртасидаги Жаҳон чемпионатида ишлашади.

Дунёнинг 9 та энг кучли клублари иштирокидаги учрашувларни бошқаришга Миср, Босния ва Герцеговина, Дания, Франция, Шимолий Македония, Черногория, Уругвай ва Ўзбекистондан жами 16 нафар ҳакам жалб этилади.