27 фев 17:28
Новости

Другие, Фотогалерея

ФОТОГАЛЕРЕЯ: Мотокросс бўйича мусобақа ғолиб ва совриндорлари маълум

Сурхондарё вилоятининг Жарқўрғон туманида мотокросс спорт тури бўйича катта мусобақа ўтказилди.

"Ватанпарвар" ташкилоти Сурхондарё вилояти кенгаши раҳбарияти ва Жарқўрғон туман ҳокимлиги, вилоят ҳуқуқни муҳофаза қилувчи органлар вакиллари ҳамда ҳамкор ташкилотлар раҳбарлари, 10 минг нафарга яқин уюшган ва уюшмаган ёшлар, республикамиз ҳудудларидан келган 100 нафардан ортиқ спортчилар иштирокида тадбирнинг очилиш маросими ўтказилди.

Спортчиларимиз билан бир қаторда Қозоқистон ва Россия давлатларидан ҳам спортчилар иштирок этишди.

Якунда умумжамоа ҳисобида 821 балл тўплаган Сурхондарё вилояти терма жамоаси 1-ўринни эгаллаган бўлса, 740 очко жамғарган Тошкент вилояти терма жамоаси 2-ўринни банд этди. Кучли учликка 599 балл билан Навоий вилояти терма жамоаси спортчиларни якун ясашди.