12 фев 20:32
Новости

Шахматы

Freestyle Chess Grand Slam. 1/2 финал доирасидаги Синдаров - Каруана иккинчи партияси якунланди

Вайссенхаус шаҳрида ўтказилаётган шахмат бўйича нуфузли турнирда плей-офф баҳслари давом этмоқда.

Жавоҳир Синдаров 1/2 финалнинг иккинчи партиясида дунё рейтингида иккинчи ўринни эгаллаб турган америкалик гроссмейстер Фабиано Каруанага қарши баҳс олиб борди. Ҳозиргина якунига етган муросасиз учрашувда номдор рақибда нисбатан кичик устунлик бўлса-да, якунда томонлар муросага келишди.

Демак, иккинчи учрашувда ҳам дуранг натижа қайд этилди ва энди бироздан сўнг ҳал қилувчи тай-брек партиялари ўйналади. Бешинчи ўрин учун курашаётган Нодирбек Абдусатторовнинг франциялик гроссмейстер Алиреза Фирузджага қарши партияси эса ҳали давом этмоқда.