Freestyle Chess Grand Slam Paris. Бугун плей-офф бошланади. Нодирбек 1/4 финалда Магнус га қарши (барча маълумотлар)

Икки кунлик рапид баҳсларидан сўнг плей-офф босқичига йўл олган шахматчилар маълум бўлди. Дастлабки саккиз ўринни эгаллаган иштирокчилар 1/4 финалга чиқишди. 9-12 ўринни банд этган Рамешбабу Прагнанандха (Ҳиндистон, 2758), Рихард Раппорт (Венгрия, 2722), Доммараджу Гукеш (Ҳиндистон, 2787) ва Сантош Видит (Ҳиндистон, 2720) плей-оффда қуйи ўринлар учун баҳс олиб боришади.  

Қолган саккиз иштирокчи - Ян Непомнящий (Россия, 2757), Магнус Карлсен (Норвегия, 2819), Максим Вашье-Лаграв (Франция, 2722), Аржун Эригайси (Ҳиндистон, 2782), Нодирбек Абдусатторов (Ўзбекистон, 2773), Ҳикару Накамура (АҚШ, 2734), Винсент Кеймер (Германия, 2649) ва Фабиано Каруана (АҚШ, 2776) 1/4 финалда чемпионлик учун курашишади. 

Икки кунлик саралаш баҳсларида Ян Непомняший ҳамда Магнус Карлсен 8,5 очкодан жамғариб, турнир жадвалида биринчи ва иккинчи ўринларни банд этишди. Максим Вашье-Лаграв 7 очко билан кучли учликка якун ясади. Аржун Эргаиси ва Нодирбек Абдусатторов 6,5 очко билан тўртинчи ва бешинчи поғоналардан жой олишди. 

Мусобақа регламентига кўра, 1-4 ўринни эгаллаган шахматчилар 1/4 финалдаги рақибни ўзлари танлаш имкониятига эга эдилар. Магнус Карлсен Нодирбек Абдусатторовни танлади. Саралаш босқичидаги ўзаро учрашувда Магнус ҳамюртимизни мағлубиятга учратган эди.   

Freestyle Chess Grand Slam Paris. 1/4 финал жуфтликлари

Ян Непомняший - Винсент Кеймер 

Магнус Карлсен - Нодирбек Абдусатторов 

Максим Вашье-Лаграв - Фабиано Каруана 

Аржун Эргаиси - Ҳикару Накамура 

9-12 ўринлар учун 

Рамешбабу Прагнанандха - Видит Гужратҳи

Рихард Раппорт - Гукеш Доммараджу