17 июл 18:10
Новости

Бокс/ММА

Фьюри Уайлдер билан трилогиядан аввал шифохона полида ухлаганини айтди

Супероғир вазнда WBC камари соҳиби Тайсон Фьюри Деонтей Уайлдер билан учинчи жангга қандай тайёргарлик кўрганини айтиб берди.

"Уайдлер билан учинчи жанг олдидан йиғинда эдим. Бирданига, июль ойида жамоамиз билан Covid'га чалиндик. Уйга бордик, Пэрес ўшанда олтинчи фарзандимиз учун бош-қоронғу эди, чақалоқ дунёга келди. У туғилганида, юрагида камдан-кам учрайдиган хасталик мавжуд эди. Шифокорлар унинг юрак уришини маромига келтира олмади. Мен бунинг қанчалик жиддийлигини ҳақиқатан ҳам билмас эдим. Уайлдер билан учинчи жангдан аввал машғулот олиб бориб, шифохона полида ухлар эдим", - дея Фьюрининг сўзларини келтиради talkSPORT нашри.

Эслатиб ўтамиз, Уайлдер — Фьюри трилогияси 2021 йил 10 октябрь куни бўлиб ўтган.

Аввалроқ, Тайсон уни тинч қўйишларини, бошқа жанг қилишни истамаслигини айтган эди.