19 июн 09:15
Новости

Бокс/ММА

Фьюрини самолёт рейсидан қолдириб юборишди. Бу сафар у... (ФОТО)

Sandey World нашрининг хабар беришича, 17 июнь куни супероғир вазн тоифасида WBC чемпиони Тайсон Фьюри (32-0-1) АҚШга учаётган самолёт рейсидан қолдирилди.

Маълум бўлишича, АҚШ иммиграция хизмати "Лўлилар Қироли"нинг Штатларга киришига рухсат бермаган. Бунга Фьюрининг гиёҳванд моддалар контрабандасида гумон қилинаётган мафия аъзоси Дэниел Кинахан билан алоқада бўлгани сабаб қилиб кўрсатилган.

Штатларда Кинаханни ҳибсга олиш учун ордер берилган. Бундан ташқари май ойида АҚШ расмийлари унга алоқадор 600 кишининг мамлакатга киришини тақиқлаган. Маълум бўлишича улар орасида машҳур профессионал бокс вакиллари ҳам бор.

Эслатиб ўтамиз, Кинахан Тайсон билан шартнома тузган MTK Global промоутерлик компанияси асосчиси ҳисобланади. Бундан ташқари Фьюри 2022 йил февраль ойида Дубай мафияси билан учрашган.

Бўлган воқеалардан сўнг Буюк Британия расмийлари боксчига Кинахан билан алоқадор ишларга аралашмаслигини маслаҳат берди. Акс ҳолда у жиноий жавобгарликка тортилиши мумкин. Фьюри Кинохан бизнесининг мафияга алоқаси йўқлигини ва Дэниел билан бирга тушган сурат уни жиноятчига айлантирмаслигини таъкидлади.

Аввалроқ, тунислик жангчи Мунир Лаззез UFC Вегас 51 турнирида ғалаба қозонганидан сўнг қидирувдаги ирландиялик Дэниел Кинаханга миннатдорчилик билдирган эди.