20 дек 13:50
Новости

Бокс/ММА

Ғалаба яқинми? Богдан Гусковнинг UFC'даги иккинчи рақиби, жанг санаси ва манзили эълон қилинди

Ярим оғир вазн тоифасида ўзбекистонлик UFC жангчиси Богдан Гусков лигадаги иккинчи жангини қачон ва қаерда ўтказиши, шунингдек, рақиби номи маълум бўлди.

Ҳамюртимиз 2024 йил 10 февраль куни Лас-Вегасда (АҚШ) ташкил этиладиган UFC Vegas 86 турнирида жанг қилади. Гусковга ўша куни америкалик Зак Пауга рақиблик қилади.

31 ёшли Богдан Гусков фаолияти давомида 17 та жанг ўтказиб, уларнинг 14 тасида ғалаба қозонган, 3 та жангда имкониятни бой берган. У UFC'да битта жанг ўтказган. Волкан Оздемирга қарши кечган дебют жангида Богдан илк раундда мағлубиятга учраган эди.

35 ёшли Зак Пауга эса карьерасида 8 та жанг ўтказган. Унинг ҳисобида 6 ғалаба ва 2 мағлубият мавжуд. UFC'да 3 та жанг ўтказиб, битта ғалаба ва иккита мағлубият қайд этган.