08 ноя 17:12
Новости

"Галатасарой" Лео Мессига қизиқмоқда

"Галатасарой" "Интер Майами" ҳужумчиси Лионель Мессининг хизматларига қизиқиш билдирмоқда.

Истанбулликлар 38 ёшли аргентиналик футболчини МЛС мавсумидаги танаффус вақтида тахминан 4 ойга қисқа муддатли ижарага олиш вариантини кўриб чиқмоқда.

АҚШдаги Мунтазам чемпионат аллақачон якунланди, плей-офф баҳслари декабрь ойи бошигача давом этади, шундан сўнг Месси 2026 йил март ойига қадар узоқ танаффусга эга бўлади.

Тахминларга кўра, Месси 2026 йилги жаҳон чемпионати олдидан ўйин формасини сақлаб қолиш учун ижарага берилиши мумкин. "Галатасарой" эса вазиятни "диққат билан кузатмоқда".

Месси жорий мавсум "Интер Майами" сафида 41 та учрашувда майдонга тушиб, 38 та гол урди ва 16 та голли узатмани амалга оширди.