01 авг 09:55
Новости

Теннис

Гарсия Варшавани забт этди, бу унинг мавсумдаги иккинчи соврини!

Польша пойтахти Варшава шаҳри мезбонлик қилган теннис бўйича нуфузли WTA турнири ўз якунига етди.

Ҳал қилувчи финал учрашувида дунёнинг 45-ракеткаси бўлиб турган франциялик Каролин Гарсия WTA рейтингида 108-поғонадан жой олган руминиялик Ана Богданни 6/4, 6/1 ҳисобида мағлуб этди.

Бир соату 22 дақиқа давом этган баҳсда Гарсия ҳам, Богдан ҳам 2 тадан эйс зарбасини амалга оширишди. Польшадаги муваффақиятли иштирок франциялик теннисчига 280 рейтинг очкоси ҳамда 33,200 доллар мукофот пули келтирди. Бу унинг мавсумдаги иккинчи, фаолиятидаги тўққизинчи соврини бўлди.