18 авг 17:30
Новости

Теннис

Genesis Trading Cup. Фомин иккита учрашув ўтказди

Болгария пойтахти София шаҳрида теннис бўйича "Челленжер" туркумига кирувчи, мукофот жамғармаси 91,250 еврони ташкил этувчи турнир бўлиб ўтмоқда.

Genesis Trading Cup турнирининг саралаш баҳсларида ҳамюртимиз Сергей Фомин ҳам ўз имкониятини синаб кўрди. Мамлакатимизнинг иккинчи ракеткаси саралашнинг 2 соату 24 дақиқа давом этган 1/2 финал баҳсида мезбонлар вакили Янаки Милевни 6/4, 3/6, 6/4 ҳисобларида мағлубиятга учратди.

Афсуски, саралаш баҳсларида 12-рақам остида таснифланган теннисчимиз асосий тўрга йўлланма берган финал учрашувида хорватиялик Нино Сердарушичга 5/7, 0/6 ҳисобида имкониятни бой бериб қўйди ва мусобақадаги иштирокини якунлади.

Таққослаш учун, Сергей Фомин айни пайтда ATP рейтингида 481, Сердарушич 1085, Милев 718-поғонадан жой олган.