28 мая 14:28
Новости

Бокс/ММА

Генри Сехудо Alash Pride турнирида жанг ўтказди

Қозоғистоннинг Alash Pride Лигаси томонидан навбатдаги турнир ташкил этилди.

Икки вазн тоифасида собиқ UFC чемпиони Генри Сехудо ушбу турнирда жанг ўтказди.

Америкалик аралаш яккакураш устаси грепплинг бўйича ўтказилган кўргазмали мақомдаги беллашувда собиқ ONE Championship чемпиони, қозоҳистонлик Қайрат Ахметовни мағлубиятга учратди. Сехудо эркин кураш бўйича Олимпиада чемпиони ҳисобланади.

Генри эркин курашда катта тажрибага эга бўлса-да, рақибини бўғиш ёки оғритиш усулига тушира олмади. Беллашув якунланганидан сўнг Генри Сехудо ўзининг UFC чемпионлик камарини Alash Pride лигаси президентининг ўғли Алимжан Бектаевга совға қилди. Сехудо бу 2019 йилнинг январида Ти Жей Диллашоуни мағлуб этганидан кейин тақдим этилган чемпионлик камари эканини тасдиқлади.