06 апр 15:27
Новости

Шахматы, Фотогалерея

Георгий Агзамов хотирасига бағишланган анъанавий шахмат турнири ўтказилмоқда + ФОТОГАЛЕРЕЯ

Теги : Шахмат

Кеча пойтахтимиздаги Халқаро шахмат академиясида ўзбекистонлик биринчи халқаро гроссмейстер Георгий Агзамов хотирасига бағишланган анъанавий XVI халқаро шахмат турнирининг тантанали очилиш маросими бўлиб ўтди.

Мукофот жамғармаси 25 минг АҚШ долларидан иборат халқаро турнирнинг тантанали очилиш маросимида юртимизда шахматни ривожлантириш, унинг оммавийлигини таъминлаш борасида амалга оширилаётган кенг кўламли саъй-ҳаракатлар натижасида иқтидорли шахматчилар сафи йилдан йилга ортиб бораётгани таъкидланди.

Айтиш лозимки, анъанавий тарзда ўтказиб келинаётган Георгий Агзамов халқаро турнири нафақат мамлакатимизда, балки дунё миқёсида маҳоратли «ақл гимнастикаси» соҳиблари етишиб чиқишига хизмат қилмоқда.

Бу галги турнир дунёнинг ўндан зиёд мамлакатидан 250 нафарга яқин шахматчиларни қамраб олгани билан аҳамиятлидир. 10 турдан иборат анъанавий халқаро турнир баҳслари 12 апрелга қадар давом этади.

Тадбирдан суратларни томоша қилинг.

Фото: Алимурод Мамадаминов