10 апр 13:48
Новости

Шахматы

Георгий Аъзамов хотира турнирининг 6 тури ортда қолди ФОТОГАЛЕРЕЯ

Пойтахтимиздаги Халқаро шахмат академиясида ўзбекистонлик биринчи халқаро гроссмейстер Георгий Агзамов хотирасига бағишлаб ўтказилаётган анъанавий XVI халқаро шахмат турнири ўзининг қизғин палласига кирди.

Мукофот жамғармаси 25 минг АҚШ доллари бўлган халқаро турнирда 6 тур ўйинлари бўлиб ўтди. Унинг натижаларига кўра, Халқаро шахмат федерацияси номидан иштирок этаётган Володар Мурзин (“А” гуруҳи) 6 имкониятдан 5,5 очко тўплаб, пешқадамлик қилмоқда. Озарбойжонлик Вугар Расулов ҳисобида эса 5 очко бор. Ҳамюртларимиз Абдумалик Абдусалимов (4,5 очко), Шамсиддин Воҳидов (4 очко), Баҳром Бахриллаев (4 очко) кучли ўнталикдан ўрин олган.

“Б” гуруҳида ҳамюртларимиз пешқадам бўлиб турибди. Марсель Шоюсупов 6 имкониятдан 6 очко жамғарган ҳолда якка пешқадам бўлса, кейинги ўринлар Муҳаммадраҳим Абдуллаев (5,5 очко) ва Шавкат Абдухолиқов (5 очко)га тегишли.

Халқаро турнир 12 апрелга қадар давом этади.