GLORY ташкилоти россиялик жангчиларни ҳайдади

Хусусан, Европанинг дунёга машҳур GLORY кикбоксинг-промоушени раҳбарлари ҳам барча россиялик жангчиларини ташкилотдан четлатди. Ҳайдалганлар орасида ҳатто яримоғир вазнда промоушен чемпиони Артём Вахитов ҳам бор.

Эндиликда россиялик собиқ чемпионга тегишли камар учун жанг 20 август куни Германиянинг Дюссельдорф шаҳрида ўтказиладиган GLORY 81 турнирида ўтказилади. Унда нидерландиялик Луис Таварес литвалик Сергей Маслобоевга қарши рингга чиқади. 

"Биз барча россиялик жангчиларга узоқ йиллик ҳамкорлик учун раҳмат айтамиз. Бизнинг ҳам, уларнинг ҳам ҳозирги сиёсий воқейликларда айби йўқ. Лекин вазият шундай йўл тутишимиз кераклигини кўрсатмоқда. Қачон Россия Украинага нисбатан очиқчасига бошлаган урушини якунласа, биз яна россиялик жангчилар билан ишлашда давом этамиз", - деган GLORY вице-президенти Скотт Рудманн.

Айнан GLORY промоушени россиялик спортчилар ёппасига ҳайдаган дунёдаги биринчи спорт ташкилоти бўлди.