11 мар 18:26
Новости
Теннис
Грецияда "Челленжер" турнири бошланди, Ҳумоюн Султоновда муваффақиятли старт
Грециянинг Херсонисос шаҳрида теннис бўйича "Челленжер" турнири старт олди.
Мукофот жамғармаси 54 000 еврони ташкил этувчи мазкур мусобақада ҳамюртимиз Ҳумоюн Султонов ҳам иштирок этмоқда. У мусобақада 3-рақам сифатида сараланган.
Теннисчимиз бугун мусобақадаги илк ўйинини ўтказди. Ушбу босқичда ҳамюртимизга литвалик Рикардас Беранкис рақиб бўлди. 1 соат 9 дақиқа давом этган ўйинда ҳамюртимиз 6:2, 6:2 ҳисобида ғалабага эришди.
Таққослаш учун, Ҳумоюн айни пайтда дунё рейтингида 218, Беранкис эса 291-ўринни эгаллаб турибди.
Энди теннисчимиз эртага 1/8 финалда италиялик Федерико Синага (557) қарши баҳс олиб боради.
Ссылка :
Источник : olamsport.com
Комментарии