30 апр 13:05
Новости

Бокс/ММА

Грузиялик UFC жангчиси промоушендан ҳайдалди

Гуржистонлик аралаш яккакураш устаси 2020 йилдан бери UFC октагонида ўз жангларини ўтказиб келаётганди.

Гап Гурам Кутателадзе ҳақида бормоқда. Шу йилнинг март ойида Кутателадзе Кауи Фернандесга очколар ҳисобига кўра имкониятни бой бериб қўйганди. Бу Гурамнинг сўнгги тўртта жангидаги учинчи мағлубияти эди.

Қизиғи, у 5 йил ичида бор йўғи 5 тагина жанг ўтказди. Бу бир йилга битта жанг дегани. Ҳисобида 2 ғалаба ва 3 мағлубият бор. Кутателадзе ўзининг дебют жангида польшалик таниқли аралаш яккакураш устаси Матеуш Гамротни очколар ҳисоби бўйича таслим этганди. Гамрот айни пайтда енгил вазн рейтингида 7-ўринни эгаллаб турибдию.

Шунингдек, 33 ёшли Гурам Кутателадзе Хамзат Чимаев билан яқин дўст экани билан ҳам танилган. У ўз вақтида Чимаев билан бирга Швециянинг Allstars Training Center клубида машғулот ўтказган.