Гуанчжоу (WTA). 305-ракетка 1/2 финалга чиқди

WTA рейтингида 305-поғонада бораётган Клэр Лю шов-шувли тарзда мусобақанинг 1/2 финалига йўл олди. Америкалик теннисчи дунёнинг 96-ракеткаси бўлиб турган германиялик Элла Зайделни иродали тарзда мағлубиятга учратди - 4/6, 6/0, 6/4. 

Бу теннисчиларнинг ўзаро ўтказган илк учрашуви бўлди. Икки соату 4 дақиқа давом этган баҳсда Лю 11, Зайдель 9 та эйс зарбасини амалга оширган. Қўшхатолар ва брейклар бўйича устунлик ҳам Клэр томонида бўлди - 6 га 4 ва 6 га 3 кўринишида. Бугун Лю финал чиптаси учун Янги Зеландия вакиласи Лулу Сунга қарши кортга чиқади.