31 июл 17:17
Новости

Гёкереш "Арсенал"да дебют қилмасиданоқ рекорд қўйди

Ҳужумчи Виктор Гёкереш номи туширилган футболкалар "Арсенал"нинг савдо рекордини янгиламоқда.

Гёкереш дарҳол "канонирлар" мухлислари севимлисига айланди. Либослар сотуви биринчи кунида талаб шунчалик юқори эдики, ҳатто клуб сайти ишдан чиқди. "Арсенал" швецияликнинг исмини формаларга бепул босиб бериш кампаниясини олиб борди, бу хизмат одатда 16 фунт турарди.

Виктор ўзининг янги жамоасида 14-рақамни танлади. Бунгача "Арсенал" тарихидаги энг яхши тўпурар, афсонавий франциялик ҳужумчи Тьерри Анри бу рақам остида ҳаракат қилган.