28 дек 09:46
Новости
Ҳасанбой Дўсматов келгуси режалари билан ўртоқлашди
Боксчи МОҚ матбуот хизматига кичик интервью берди.
– Энг яхши эркак спортчи номинацияси учун рақобат катта эди. Сиз ўзингиз бу номинацияда ғолиб бўлишингизни кутганмидингиз?
"Бу номинацияга номзодим қўйилганини эшитганимдаёқ жуда ҳам хурсанд бўлдим. Тўғриси, шунча номзодлар орасида мени танлашларини кутмаган эдим. Чунки бу номга даъвогарлар кўпчиликни ташкил қилган. Бу йил ўзбекистонлик спортчилар ўзлари иштирок этган асосий мусобақаларда юқори натижаларга эришди. Мукофот менга берилгани билан аслида барчамизники деб биламан. Бунга Париждаги ҳамма қаҳрамонлар ҳақли".
– Бу эътироф сиз учун нимани билдиради?
"Бундай ном менга катта мотивация берди. Энди ҳозирги даражамни тушириб юборишга ҳаққим йўқ. Барча юртдошларимиз мендан ҳар бир жангда ғалаба кутади ва улар истаган чиройли боксни кўрсатиб, юртимиз шарафини муносиб ҳимоя қилишда давом этаман".
– 2025 йил учун режаларингиз қандай?
"Келаси йил ҳаваскорлар ўртасида жаҳон чемпионати ташкил этилади. Шунингдек, профессионал бокс бўйича ҳам бир неча жанг ўтказишни режа қилганман. Насиб қилса, буларнинг барчасида ғалаба қозониб, навбатдаги чемпионликларга эришишни олдимга мақсад қилиб қўйганман", деди Дўсматов.
Комментарии