22 апр 07:35
Новости
Бокс/ММА
Ҳавасбек Асадуллаев проф боксдаги тўртинчи жангини ўтказади. Рақиб — тажрибали рус боксчиси
25 апрель куни Россия Федерациясининг Уфа шаҳрида жойлашган "Wrestling Palace" мажмуасида IBA.PRO 3 профессионал бокс оқшоми ташкил этилади.
Эътиборлиси, мусобақа доирасида ўзбекистонлик чарм-қўлқоп устаси Ҳавасбек Асадуллаев ҳам рингга кўтарилади.
Андижонда туғилган 25 ёшли Ҳавасбекка ўша куни Россия вакили Алан Хугаев рақиб бўлади. Бу ҳақда Ҳавасбекнинг ўзи сайтимиз мухбири билан суҳбатда маълум қилди.
Беллашув ярим ўрта вазн тоифасида ташкил этилади.
Ушбу баҳс Асадуллаев учун профессионал боксдаги тўртинчи жанг бўлади. У бундан аввалги барча жангларида ғалаба қозонган (2 КО). Ҳамюртимиз проф карьерасидаги сўнгги жангини 2022 йил июнь ойида Турсунбой Абдулҳакимовга қарши ўтказиб, муддатидан олдин ғалаба қозонганди.
26 яшар Алан Хугаев ҳисобида эса 19 та ғалаба мавжуд. У ғалабаларининг 9 тасини муддатидан илгани қўлга киритган.
Ссылка :
Источник : olamsport.com
Комментарии