09 июл 15:29
Новости

Дзюдо

Ҳикматиллоҳ Тўраев ғалаба билан бошлади, қолганларда эса...

Катта танаффусдан сўнг ИЖФ мусобақасига қайтган Ҳикматиллоҳ Тўраев Будапешт "Катта Дубулға" турнирида муваффақиятли старт олди.

Сурхондарёлик полвон иккинчи давра учрашувида гамбиялик Фае Нжиени 64 сонияда иппон баҳоси билан таслим этди. Фае илк босқичда мезбонлар вакили Арон Жабодан устун келганди. -73 кг вазнда курашаётган Ҳикматиллоҳнинг учинчи даврадаги рақиби полшалик Адам Стодолски бўлади.

Афсуски, Шаҳрам Аҳадов, Мусо Собиров ва Нодира Йўлдошева рақибларига имкониятни бой бериб, мусобақадаги иштирокларини якунлашди.