23 июл 17:12
Новости
Теннис
Ҳинд теннисчиси Тампереда бош совринга эга чиқди
Финляндиянинг Тампере шаҳрида теннис бўйича "Челленжер" туркумига кирувчи турнир якунига етди.
Мусобақа бош соврини ҳиндистонлик Сумит Нагалга насиб этди. ATP рейтингида 231-поғонада бораётган Нагал ҳал қилувчи финал учрашувида дунёнинг 193-ракеткаси чехиялик Далибор Сврчинни мағлубиятга учратди - 6/4, 7/5.
Бу теннисчиларнинг ўзаро ўтказган илк учрашуви эди. Бир соату 43 дақиқа давом этган баҳсда Нагал ҳам, Сврчина ҳам эйс зарбасини амалга ошира олмади. Иккала теннисчи ҳам қўшхатога йўл қўймади. Сумит 5, Далибор 3 та брейк қайд этган.
Ҳиндистонлик теннисчи фаолиятидаги тўртинчи, мавсумдаги иккинчи "Челленжер" турнирида бош совринни қўлга киритди. Финляндиядаги муваффақиятли иштирок унга 75 рейтинг очкоси ҳамда 9,880 евро мукофот пули келтирди.
Ссылка :
Источник : gotennis
Комментарии