02 янв 14:44
Новости

Теннис

Hong Kong Tennis Open. Карен Хачановда аламли мағлубият

Шу кунларда Гонконгда теннис бўйича ATP турнири бўлиб ўтмоқда.

Дунёнинг 19-ракеткаси Карен Хачанов Bank of China Hong Kong Tennis Open турнирининг иккинчи даврасида ATP рейтингининг 106-поғонасида бораётган япониялик Кеи Нишикорига 6/4, 3/6, 5/7 ҳисобида имкониятни бой бериб, мусобақадаги иштирокини якунлади.

Кеи бу ғалабаси эвазига теннисчиларнинг ўзаро учрашувларидаги ҳисобни ўз фойдасига йириклаштирди - 5:2. Икки соату 10 дақиқа давом этган баҳсда Хачанов 7, Нишикори 1 та эйс зарбасини амалга оширган. Брейклар кунчиқар юрт вакилида кўпроқ бўлди - 4 га 3.

Энди Нишикори 1/4 финалда британиялик Кэмерон Норрига қарши кортга чиқади. Ўз ўрнида инглиз теннисчиси иккинчи босқичда италиялик Лоренцо Сонегодан 6/2, 4/6, 6/1 ҳисобларида устун келди.