26 авг 12:49
Новости
"Ҳумо" Қозоғистон Кубогида иштирок этмоқда. Жамоа ҳозиргача ўтказилган иккала баҳсда ҳам ғалабага эришди!
Айни кунларда хоккей бўйича Қозоғистон Кубогидан ўрин олган учрашувлар бўлиб ўтмоқда.
Мусобақада Тошкентнинг "Ҳумо" клуби ҳам иштирок этмоқда. "Қанотлилар" турнирнинг "Б" гуруҳидан ўрин олишган. Ушбу гуруҳда вакилларимиздан ташқари, "Арлан", "Иртиш", "Сариарка" ҳамда "Горняк" жамоалари ҳам бор. Ҳозиргача хоккейчилар иккитадан учрашув ўтказишга улгуришди.
Қувонарлиси, "Ҳумо" ҳар икки баҳсда ғалабага эришди. Илк ўйинда хоккейчиларимиз "Иртиш" билан тўқнаш келиб, буллитлар сериясида (3:2) ғалабани илиб кетишган бўлса, кеча ўтказилган иккинчи учрашувда "Горняк" мағлуб этилди - 1:0.
Эртага "қанотлилар" навбатдаги учрашув доирасида "Сариарка"га қарши музга чиқишади. Баҳс Тошкент вақти билан соат 12:00 да старт олади.
Маълумот учун, айни дамда "Ҳумо" кубок баҳсларининг гуруҳ босқичида иккинчи ўринни эгаллаб турибди.
Ссылка :
Источник : olamsport.com
Комментарии