02 сен 20:06
Новости
"Ҳумо" рақиблари: Қозоғистоннинг навбатдаги клуби - "Актобе"
Тошкентнинг "Ҳумо" хоккей клуби Қозоғистон Республикаси очиқ чемпионати Pro Hokey Ligasy'да иштирок этади.
Биз "қанотлилар"нинг рақибларини таништиришда давом этамиз. "Актобе" хоккей клуби 2019 йилда ташкил топган. Қозоғистон чемпионати иштирокчиси. Клуб логотипи қизил-оқ-кўк ранглар билан безатилиб, лола кўринишида ишланган.
Ўтган мавсумда жамоа Қозоғистон чемпионатида олтинчи ўринни эгаллаб, плей-офф босқичига йўл олган. “Актобе” чорак финалда “Бейбарис”га имкониятни бой берган.
Катталар жамоасидан ташқари, "Актобе" МҲК ёшлар жамоаси ҳам мавжуд.
"Актобе" муз саройи клуб рақибларини қабул қиладиган уй аренаси ҳисобланади. Сарой 2500 томошабин учун мўлжалланган.
"Ҳумо" 29 ва 30 сентябрь кунлари соат 19.00да "Актобе" билан меҳмонда баҳслашади.
Ссылка :
Источник : "Ҳумо" матбуот хизмати
Комментарии