01 апр 16:08
Новости

"Ҳумо" расмий сайти: Финал учун NHL ҳужумчиси ижарага олинди

"Ҳумо" хоккей клуби финал ўйинлари учун NHL Los Angeles Kings ҳужумчиси Артур Калиевни ижарага олди.

Ўнг қанот ҳужумчиси Артур Калиев 2001 йилнинг 26 июнида Тошкентда туғилган.

2019 йилдан буён Лос-Анжелесда ўйнайди. Ушбу мавсумда NHLда 49 та ўйинда иштирок этиб, 25 очко (11+14) тўплади. 10 дақиқа жарима ишлаган.

"Ватанга қайтганимдан жуда хурсандман. Тошкент сўнгги йилларда жуда яхши бўлди. "Ҳумо Арена" эса шунчаки бомба. Музга чиқишни сабрсизлик билан кутяпман. Болаликдан "Ҳумо"га мухлисман", - дея Калиевнинг сўзларини иқтибос келтиради "Ҳумо" расмий сайти.