29 авг 12:15
Новости

"Ҳумо" сўнгги ўйинда ғалаба қозонганига қарамай, Қозоғистон кубогидаги иштирокини якунлади

Тошкентнинг "Ҳумо" хоккей клуби энди бор эътиборини Қозоғистон чемпионати тайёргарлигига қаратади.

Жамоа Қозоғистон кубогининг "А" гуруҳи беллашувларида иштирок этиб, сўнгги тур доирасида "Алмати"га қарши музга чиқди ва 4:1 ҳисобида ғалаба қозонди.

Кечаги ғалабадан сўнг тошкентликлар гуруҳда 4 очко билан тўртинчи ўринни эгаллади. Гуруҳда "Кулагер" жамоаси 6 очко билан биринчи бўлди. Иккинчи ўрин эса "Арлан"га насиб этди.

Шу тариқа, кубокнинг амалдаги ғолиби бўлмиш "Ҳумо" бу сафарги мусобақани гуруҳ босқичида якунлашга мажбур бўлди.