08 сен 16:15
Новости
«Ҳумо» яна тўрт нафар хоккейчи билан шартнома имзолади
Pro Hokei Ligasy'га тайёргарликни давом эттираётган «Ҳумо» хоккей клуби яна 4 нафар хоккейчини таркибига қўшиб олди.
Саратовнинг «Кристалл» жамоаси табияланувчиси бўлган ҳужумчи Владимир Журавлёв «Ҳумо» билан шартнома имзолади. Ўтган мавсумни у ОХЛнинг «Зауралье» (Курган) клубида ўтказган. Шунингдек, Владимир КХЛда иштирок этувчи «Лада» таркибида 9 та ўйин ўтказиб, 2 бор дарвозага шайба киритган.
Ҳимоячи Вадим Чеботарёв Митишининг «Атланта» клуби тарбияланувчиси ҳисобланади. Ўтган мавсумни у ОХЛнинг «Соколь» (Красноярск) таркибида ўтказди.
Ҳужумчи Максим Назаров Москванинг «Динамо» жамоаси тарбияланувчиси бўлиб, сўнгги клуби НМХЛда иштирок этадиган «Рязань-ВДВ» жамоаси бўлган.
Александр Дрягилев, Нижневартовск хоккей мактаби тарбияланувчиси ҳисобланади. У бутун фаолиятини Ханти-Мансийскнинг «Югра» жамоаси таркибида ўтказган.
Ссылка :
Источник : olamsportcom
Комментарии