03 дек 21:36
Новости

"Ҳумо"да ғалаба, пешқадам эса ўз уйида ютқазди

Бугун хоккей бўйича Қозоғистон Очиқ чемпионатида 33-тур учрашувлари старт олди.

Тошкентнинг "Ҳумо" клуби "Алпомиш" кўптармоқли мажмуасида Қозоғистоннинг "Горняк" клубини қабул қилиб, 5:3 ҳисобида ғалаба қозонди. Бугунги ғалаба "қанотлилар"ни яна мусобақа пешқадамига айлантирди. Боиси, пешқадам "Арлан"ўз майдонида "Актобе" жамоасига 2:3 ҳисобида имкониятни бой берди.

Бугунги ғалабадан сўнг "Ҳумо" 54 очко билан яна биринчи ўринга кўтарилиб олди. "Арлан" эса 53 очко билан иккинчи ўринга пастлади. Учинчи поғонадан жой олган Астананинг "Номад" клуби ҳисобида 41 очко бор. Бугун "Ҳумо"га ютқазган Руднийнинг "Горняк" жамоаси 36 очко билан 5-поғонадан жой олган.

Эслатиб ўтамиз, ноябрь ойида ўтказилган иккита баҳснинг бирида "Ҳумо" (4:1), иккинчи беллашувида эса "Горняк" ғалаба (7:2) қозонган эди.