02 июн 15:07
Новости

"Ҳумо"дан навбатдаги трансферлар

Хоккей бўйича Тошкентнинг "Ҳумо" клуби 2023-2024 йилги мавсум олдидан таркибда бир қанча ўзгаришларга қўл урмоқда.

Кеча "қанотлилар" таркибга яна бир нафар ҳужумчи қўшиб олинганини эълон қилди. Никита Свинцицкий эндиликда "Ҳумо" жамоаси сафида ўйнайди.

Свинцицкий 1994 йил 15 мартда Россиянинг Тольятти шаҳрида туғилган. Никита "Лада" клуби тарбияланувчиси ҳисобланади. Ўтган мавсумни "Дизель" клуби билан ОХЛда ўтказган Свинцицкий ОХЛда умумий ҳисобда 275 та ўйинда музга чиқиб, 78 очко (42+36) жамғарган.

Шунингдек, жамоа ҳужумчи Алексей Циплаков билан ўртадаги шартномани узайтирди. Циплаков ўтган мавсум "Ҳумо" таркибида 30 та ўйинда музга чиқди ва 8 очко қўлга киритди (3+5).