"Ҳумо"нинг россиялик собиқ матбуот котиби: "Клуб янги мавсумни ўтказиб юбориши 3 ой олдин аниқ бўлганди, лекин..."

"Жамоада ярим профессионал мақомга эга бўлган Ўзбекистон ички чемпионатида ўйнаш варианти бор. Гарчи бу даражада ҳам жамоани кадрлар билан таъминлаш ҳақида гап-сўзлар йўқ бўлса-да. Бу ерда аниқ бўлган нарса – бош ҳомий ERIELL молиявий жиҳатдан қийин кунларни бошдан кечирмоқда. Лекин "Tashkent Select" ёшлар жамоаси сақланиб қолиши керак. Бўлмаса, Ўзбекистон миллий ва ўсмирлар терма жамоаларининг асоси қаерда ўсади? Хабарлардан кўриниб турибдики, жамоа Қозоғистон Кубогини ўтказиб юборади. Айтишларича, Жастар хоккей лигаси чемпионатидаги иштирок учун ҳали молиявий кафолатлар берилмаган.

Айни пайтда терма жамоа азолари таътилдан қайтиб, Ўзбекистоннинг тоғли ҳудуди – Дукентда мавсумолди машғулотларини ўтказмоқда. Шундан сўнг Татаристонда йиғин ўтказиши режалаштирилган.

Кўринишидан ҳаммаси жойида ва мавсумга тизимли ёндашилаётгандек туюлади. Бироқ ўсиш учун молиявий ҳолат яхши бўлиши керак. Акс ҳолда, мавсум олдидан қилинган барча сарф-харажатлар зое кетади – "Ҳумо Арена" бутун куз фаслида концертларга тўла, шу боис Ўзбекистон чемпионатини жиддий равишда кенгайтириш муаммоли. Ва декабрдан олдин унинг бошланишини тахмин қилиш ҳам қийин. Ўзбекистонда хоккей учун оғир кунлар. Бу суръатда ривожланиш 5 йил орқага кетади", – дейди Александр Малишев.