22 мар 09:19
Новости

Теннис

Ҳумоюн Султонов Чандигарҳ турнири 1/4 финалига чиқди

Ҳиндистоннинг Чандигарҳ шаҳрида теннис бўйича M15 тоифасига кирувчи турнир давом этмоқда.

Мукофот жамғармаси 15 000 долларни ташкил этувчи ушбу турнирда ҳамюртимиз Ҳумоюн Султонов ҳам ўз имкониятини синовдан ўтказяпти. Мамлакатимизнинг биринчи ракеткаси уч сет давом этган баҳсда мусобақанинг чорак финал иштирокчига айланди.

Чандигарҳ турнирида биринчи рақам остида таснифланган Султонов 1/8 финалда ҳиндистонлик рейтинги йўқ теннисчи Ҳитеш Чауханни 2/6, 6/2, 6/1 ҳисобларида мағлубиятга учратди. Бугун Ҳумоюн 1/2 финал чиптаси учун яна бир мезбон теннисчи Сиддхарт Вишвакармага қарши кортга чиқади.

Таққослаш учун, Ҳумоюн ATP рейтингида 331, Вишвакарма 659-поғонадан жой олган.