16 авг 07:59
Новости

Теннис

Ҳумоюн Султонов Иданья-а-Новада 1/4 финалга чиқди

Португалиянинг Каштела-Бранка округи Иданья-а-Нова туманида теннис бўйича M25 тоифасига кирувчи турнир бўлиб ўтмоқда.

Мукофот жамғармаси 25 000 АҚШ долларини ташкил этувчи ушбу мусобақада ҳамюртимиз Ҳумоюн Султонов ҳам бош соврин учун кураш олиб боряпти. Мамлакатимизнинг биринчи ракеткаси 66 дақиқа давом этган 1/8 финал босқичида австралиялик Этан Кукни 6/1, 6/3 ҳисобида мағлубиятга учратди.

Таққослаш учун, Султонов ATP рейтингида 284, Кук 1495-ўринни эгаллаб турибди. Турнирда биринчи рақам остида сараланган Ҳумоюн бугун 1/4 финалда испаниялик Марио Гонсалес Фернандесга қарши кортга чиқади.

Учрашув бизнинг вақт билан соат 13:00да бошланади. Фернандес турнирда еттинчи рақам остида таснифланган бўлиб, ATP рейтингининг 608-поғонасидан жой олган.