Ҳумоюн Султонов италиялик теннисчи олдида ожиз қолди

Мукофот жамғармаси 36 900 евродан иборат ушбу турнирда ҳамюртимиз Ҳумоюн Султонов ҳам иштирок этаётган эди. Мамлакатимизнинг биринчи ракеткаси илк даврада турнирда биринчи рақам остида сараланган аргентиналик Марко Трунгеллитини мағлуб этишни уддалаганди. 

Афсуски, 88 дақиқа давом этган иккинчи давра баҳсида Султонов италиялик Лоренцо Жустинога деярли қаршиликсиз ютқазиб қўйди - 2/6, 2/6. Ҳумоюн 2, Лоренцо 3 та эйс зарбасини амалга оширган. Бу теннисчиларнинг ўзаро ўтказган илк учрашуви эди. 

Таққослаш учун, Марко Трунгеллити айни пайтда дунёнинг 151-ракеткаси бўлиб турибди. Султонов ATP рейтингида 309, Лоренцо Жустино эса 343-ўринни банд этган.