21 ноя 15:01
Новости

Теннис

Ҳумоюн Султонов Калабурагида 1/4 финалга чиқди

Шу кунларда Ҳиндистоннинг Калабураги шаҳрида теннис бўйича ITF турнири давом этмоқда.

Мукофот жамғармаси 25 000 АҚШ долларини ташкил қилувчи турнирда ҳамюртимиз Ҳумоюн Султонов ҳам ўз маҳоратини намойиш этяпти. Мамлакатимизнинг биринчи ракеткаси M25 тоифасига кирувчи ушбу турнирда биринчи рақам остида сараланган.

Бироз аввал якунига етган 1/8 финалда Султонов ҳиндистонлик Сринивасан Коданчага қарши баҳс олиб борди. Етмиш дақиқа давом этган баҳсда Ҳумоюн 6/4, 6/0 ҳисобида зафар қучди. Эртага теннисчимиз 1/4 финалда Максим Жуковга қарши кортга чиқади. Россиялик 19 ёшли теннисчи бугун 1/8 финалда ҳиндистонлик Ришаб Агарвалдан ортиқча қийинчиликсиз 6/1, 6/1 ҳисобида устун келди.

Таққослаш учун, Султонов ATP рейтингида 230, Сринивисан 1781, Жуков 738-поғонани банд этган.