16 ноя 14:50
Новости

Теннис

Ҳумоюн Султонов Мумбай турнири финалида ўйнайди

Ҳиндистоннинг Мумбай шаҳрида теннис бўйича ITF таснифидаги "M25" турнири давом этмоқда.

Бироз аввал мусобақада финал иштирокчилари маълум бўлди. Турнирнинг биринчи рақамли теннисчи сифатида таснифланган Ҳумоюн Султонов бош соврин учун кортга чиқадиган бўлди.

Ўзбекистоннинг биринчи ракеткаси ортиқча қийинчиликсиз финал чиптасини қўлга киритди. Ҳумоюн 66 дақиқа давом этган ярим финал баҳсида турнирнинг бешинчи ракеткаси, россиялик Богдан Бобровни 6/2, 6/1 ҳисобида таслим этди.

Султоновнинг финалдаги рақиби Далибор Сврчина бўлади. Чехиялик 22 ёшли теннисчи Мумбай турнирида иккинчи рақам остида ҳаракат қилмоқда. У бугун 1/2 финалда ҳиндистонлик Каран Сингҳдан 6/4, 6/0 ҳисобида устун келди.

Таққослаш учун, Султонов ATP рейтингида 229, Бобров 416, Сврчина эса 254-ўринни эгаллаб турибди.