03 мая 08:14
Новости

Теннис

Ҳумоюн Султонов Осиекдаги турнирда 1/4 финалга чиқди

Хорватиянинг Осиек шаҳрида теннис бўйича М15 тоифасига кирувчи турнир бўлиб ўтмоқда.

Мукофот жамғармаси 15 000 АҚШ долларини ташкил қилувчи ушбу мусобақада ҳамюртимиз Ҳумоюн Султонов ҳам иштирок этяпти. Мамлакатимизнинг биринчи ракеткаси икки ғалаба эвазига турнирнинг 1/4 финалига йўл олди.

Осиек турнирида биринчи рақам остида таснифланган ҳамюртимиз 1/16 финалда италиялик Филиппо Романони 6/3, 5/7, 6/3 ҳисобларида мағлуб этди. Кеча 2 соату 13 дақиқа давом этган 1/8 финал баҳсида эса у германиялик Пол Вернердан устун келди - 6/4, 6/3.

Таққослаш учун, Ҳумоюн Султонов ATP рейтингида 328, Романо 1031, Вернер эса 992-ўринни эгаллаб турибди. Бугун ҳамюртимиз 1/2 финал чиптаси учун рейтингнинг 1472-поғонасидан жой олган хорватиялик Жосип Симундзага қарши кортга чиқади.