20 янв 20:33
Новости
Теннис
Ҳумоюн Султонов Қатардаги турнирда вице-чемпион бўлди
Қатар пойтахти Доха шаҳрида М25 туркумидаги халқаро мусобақа якунига етди.
Турнирда иштирок этган ҳамюртимиз Ҳумоюн Султонов бугун финал учрашувини ўтказди. Ҳал қилувчи баҳсда Ҳумоюнга туркиялик Ерги Киркинга қарши кортга чиқди.
2 соат 21 дақиқа давом этган ўйинда афсуски Ҳумоюн 6:3, 1:6, 5:7 ҳисобларида имкониятни бой берди ва иккинчи ўрин билан кифояланди. У учинчи сетда 5:3 ҳисобида ғалаба қозонаётганди. Аммо якунда омад ундан юз ўгирди.
Эслатиб ўтамиз, Ҳумоюн ўтган ҳафта Дохада ўтказилган М15 мусобақасида чемпионликни қўлга киритганди.
Ссылка :
Источник : olamsport.com
Комментарии